تأجيل محاكمة جيهان الشماشرجي و4 آخرين لجلسة 26 مارس
قررت المحكمة المختصة تأجيل محاكمة جيهان الشماشرجي و4 آخرين -مخلى سبيلهم إداريا لجلسة 26 مارس المقبل
وأحالت النيابة العامة الفنانة جيهان الشماشرجي و4 آخرين -مخلى سبيلهم- للمحاكمة الجنائية أمام محكمة الجنايات المختصة، لاتهامهم بسرقة منقولات سيدة عن طريق الإكراه وحصل موقع بوست مصر علي نص التحقيقات
ما اسمك ؟ وسنك ؟ ووظيفتك؟
اسمي : جيهان ابراهيم محمد ناجي الشماشرجي
السن ٣٨ عام
تعمل : ممثلة
س / ما قولك فيما هو منسوب اليكي من كونك متهمة واخرين بسرقة المنقولات المبينة وصفا وقيمة بالأوراق والمملوكة للمجني عليها مي حسام طه عبد العزيز وكان ذلك بطريق الاكراه الواقع علي المجني عليها / اميمة محمد محمد الشيخ - بان توجهتم صوب مسرح جريمتكم مستقلين السيارة الرقيمة (ف أن ۱۵۲۷) وقمتم بالاستيلاء علي المنقولات سالفة البيان ، وحال زود المجني عليها / اميمة محمد محمد الشيخ عن المنقولات قام قائد السيارة بصدمها فاحدثتم اصاباتها الموصوفة بالتقرير الطبي المرفق وتمكنتم بتلك الوسيلة القسرية من شل مقاومتها والاستيلاء علي المنقولات حال تواجدك علي مسرح الواقعة للشد من أزره ، وذلك على النحو المبين بالتحقيقات ؟
ج الكلام ده محصلش وانا مليش اي دعوة بالموضوع ده
س: حددي لنا صلتك وعلاقتك بالمجني عليهم كلا من اميمة محمد محمد الشيخ ونجلتيها مي حسام طه عبد العزيز واميرة حسام طه عبد العزيز ؟
ج / مي حسام دي انا كنت مشاركاها في الشقة واحنا كنا ماجربتها سوا واعرفها من سنة ٢٠١٦ وانا عرفتها لما كانت
بتشتغل في الاكسسوارات وقابلتها مرة لما هي كانت شغالة في شركة بتمول مشاريع صغيرة بس مش فاكرة اسمها وانا روحت الشركة دي علشان اعرف الانظمة عندهم ايه وايه المشاريع اللي بيمولها وبعدين اتعرفنا على بعض واتكلمنا وعملنا لبعض اضافة علي فيس بوك وبعدها بفترة انا كنت بدور على شقة في جاردن سيتي كسكن علشان ابدا فيه
مشروعي في تصنيع الاكسسوارات وساعتها لقيت الشقة في ٨٠ شارع القصر العينى وكنت محتاجة حد يشاركني في
الشقة علشان يقلل معايا قيمة الايجار لان الشقة فيها كذا أوضه وتنفع كذا مكتب وكتبت اعلان على الفيس بوك وبعدها هي كانت بتبعتلي واتقابلنا وجات شافت الشقة وعجبتها وقالتلى خلاص هدخل معاكي وفعلا دخلت فيها شريكتها مي ابو طالب وساعتها كتبنا عقد الايجار مع الاستاذ حسين باسمي انا ومي حسام ، وأسرة حسام اذا عرفتها في
سنة ۲۰۱٧ عن طريق اختها مي حسام وفي سنة ۲۰۱٨ شفتها في كامب اسمه الرحلة بتاع تنمية مستدامة وبتدي فيه ورشة عمل واميمة محمد الشيخ دي تبقي والدتهم وكانت بتيجى تزور مي حسام بنتها في الشفة
س: وهل توجد اية خلافات سابقة فيما بينك وبين المجني عليهم سالفي الذكر ؟
ج لا خالص مفيش اي خلافات وعلاقتنا كانت كويس
س: وماذا بشان طبيعة علاقتك وصلتك بالمتهمين كلا من ۱ - مي محمود ابو طالب ، و ۲ محروس حمادة رياض حميده
و ۳ - مصطفي ممدوح رياض حميدة؟
ج / مي ابو طالب من دائرة معارفي و انا اعرفها من سنة ۲۰۱۷ من ايام ما فتحت مشروعي و كنا مستاجرين الشقة في جاردن سيتي انا ومي حسام وهي كانت شريكتها وجات معاها في مشروعها بتاع الاتبليه ومي ابو طالب دلوقتي بقا
عندها جاليري في غرب سوميد في أكتوبر ولسه بتعامل معاها علشان بعمل فساتيني معاها ، ومحروس حماده رياض
حميده ومصطفي ممدوح رياض حميده دول انا معرفش حد فيهم ومعرفش هما مين دول
س وما هي طبيعة المشروع الخاص بكي تحديداً؟
ج كنت بصنع اكسسوارت وحلي
س: وماذا عن توقيت بدء ذلك النشاط ؟
ج كانت سنة ٢٠١٧ .
س: وما هو عنوان المكان الذي قررتي به انذاك بدء مشروعك ؟
ج انا دورت علي شقة في جاردن سيتي ولقيت شقة في ٨٠ ش القصر العيني ومي حسام ساعدها اجرت معايا الشفة دي
س /وما هي كيفية مشاركة المدعوة مي حسام لكي في استئجار تلك العين ؟
ج انا ساعتها كتبت بوست علي فيس بوك ان انا عايزه حد يشاركني الايجار فى الشقة وساعتها مي حسام كلمتني لاننا زي ما قولت كانت عندي على الفيس بوك ، ونزلت ساعتها الفرجت على الشقة معايا وعجبتها وقررت انها تاجر معايا
وكتبت عقد الايجار انا وهي ومي ابو طالب ساعتها بردو بدأت الشراكة معاها وسموا المكان دار
س وما هي طبيعة تلك العين ومما تتكون على وجه التحديد ؟
ج/ هي شقة رقم ٨ في الدور الرابع وهي مقر اداري وليس سكني و دي كانت عبارة عن خمس غرف أنا أخدت فيها غرفة واحدة ومي حسام كان ليها ثلاث غرف والغرفة الاخيرة ديي كانت بتتاجر عن طريق مي حسام لناس تانية واتاجرت قبل كده لواحد اسمه سمير وكان فاتح حاجات ليها علاقة بالكمبيوتر
